Xrthnty

Valledupar Bratach a' bhaile Gearradh-arm no Seula
Mapa a' bhaile
Sealladh air a' bhaile
Suidheachadh
Dùthaich	Coloimbia
Roinn	Cesar
Àirde	151m
Co-chomharran	10º 28' 37' Tuath 73 º 15' 02' Iar
Feartan fiosaigeach
Farsaingeachd	4,307 km²
Àireamh-shluaigh	10,171 (2005)
Dlùths	2.36/km²
Duilleag oifigeil	Comhairle a’ Bhaile

' S e prìomh-bhaile na roinne Cesar, ann an Coloimbia,^[1] a th' ann Valledupar. Tha e suidhichte ann an ceann an tuath na dùthcha ri taobh na h-aibhne Ghuatapurí, 814km air falabh bho Bhogotá agus 435km bho Bhucaramanga. ^[2] Tha àirde meadhanach dhe 151m os cionn ìre na mara aige. 'S e baile le gnàth-shìde theth a th’ ann le teodhachd meadhanach dhe 28˚, rè na bliadhna, leis gu bheil e faisge air oirthir na Roinn Charaibeach. 'S e Valledupar an 16mh baile as motha na dùthcha.^[3]Chaidh am baile a stèidheachadh ann an 1550.

Sluagh a' bhaile |

Ged a tha 10,171 nan tàmh anns a' bhaile, chan eil ach 3,036 dhuibh a' fuireach anns na sgìrean dùthchasail am broinn crìochan a' bhaile.^[4] Tha fearann na dùthcha sin ga roinn eadar na bailtean (Spàinntis: municipios) agus le sin tha gach clachan agus croit fo stiùireadh baile air choireigin.^[5] Air adhbharan trioblaidean poilitigeach air an dùthaich, tha a' mhòr-chuid dhe na daoine anns gach uile baile a-nis a' fuireach anns na bailtean fhèin, is na daoine a' fàgail na sgìrean dùthchasail.

Taobh chinnidh, ' s e Daoine geala agus mestizos a th' ann a' mhòr-chuid dhe na daoine ann an Valledupar ‘S e Tùsanaich a th' ann an 8.4% agus tha 12.2% dhe daoine le freumhan ann an Afraga. 'S urrainn dhan 88.2% dhe na daoine ann an Valledupar leughadh agus sgrìobhadh. A tuilleadh air sin, tha fòn aig an taigh aig 40.6% dhe na dachannan.^[6]

Fèisean |

Thathar a’ cumail am iomadach seòrsa dhe fhèis ann an Valledupar. Chithear fèilltean caitligeach, leis gur e dùthaich le mòr-chuid Chaitligeach a th' ann fhathast,^[7] fèisean na stàite agus tachartasan ionadail a sheallas cho làidir ‘s a tha beairteas cultarail na dùthcha.

• Fèis an Neo-eisimeileachd: 20mh An t-Iuchar.

Iomraidhean |

1. 
   ↑ Dùthchannan aig SMO
   


2. 
   ↑ Invias
   


3. 
   ↑ Bailtean as motha na dùthcha
   


4. 
   ↑ Figearan Oifis a' Chunntas-sluaigh
   


5. 
   ↑ Cololmbia Virtual
   


6. 
   ↑ Bileag fhiosrachaidh DANE
   


7. 
   ↑ Country Studies: Colombia
   

Ceanglaichean A-mach |

An t-sìde ann an Valledupar

Prìomh-bhailtean Roinneil ann an Choloimbia

Arauca • Armenia • Barranquilla • Bogotá • Bucaramanga  • Cartagena  • Cali • Cúcuta • Florencia • Ibagué • Inírida • Leticia • Manizales • Medellín • Mocoa • Montería • Mitú • Neiva • Pasto • Pereira • Popayán • Puerto Carreño • Quibdó • Riohacha • San Andrés • San José del Guaviare • Santa Marta  • Sincelejo • Tunja • Valledupar • Villavicencio • Yopal

 

Tha dealbhan ann an Wikimedia Commons cuideachd a tha ceangailte ris an aiste seo:

Valledupar